ஞாயிறு, 10 டிசம்பர், 2017

புத்திசாலி யார் ?-3

புத்திசாலி யார் ? 1,2 கதையின் முதல் பதிவுகள் 

போன பதிவில் கருத்துக்கள் பகிர்ந்து கொண்டு தங்கள் எண்ணங்களையும் அனுமானங்களையும் பகிர்ந்து கொண்ட தோழமைகளுக்கு நன்றிகள் பல

அலெக்சின் மன சுணக்கம் அத்தையை தொடர்ந்து கிரிக்கெட் கிரவுண்டில் நடக்கும் விஷயங்களை பார்த்தோம் மேலும் என்ன நடக்கிறது அவனுக்கு என்று பார்ப்போம்


 புத்திசாலி யார் ? -3


எல்லோரும் அலெக்ஸையே பார்கிறார்கள் அவனுக்கு வெட்கமாய் போயி அழுகை வந்துவிடுகிறது. கிரவுண்டயே விட்டு ஓரமாய் போகிறான் தனியான இடத்திற்கு போயி உட்கார்ந்து அழுகிறான்.
அப்போது அங்கே  வருகிறார்கள் இரண்டு பேர், கரீம் ,கிஷன்சிங் “நல்ல தெரியுமா இங்கதான் வர சொன்னானா அந்த பையன்..? ..ம்ம்.. இது எதோ கிரவுண்டு மாதிரி இருக்கு”
“போன்ல இங்கேதான் இருக்கானு காமிக்குது”
அப்போது அங்கெ ஓடிவருகிறன் அபிஷேக், “பாய் ரெடியா?”

“ஹாங் ரெடி பைசா ரெடியா?”

“எஸ், இந்தாங்க சீக்கிரம்” சொல்லி சில நூறுகளை கொடுக்கிறான் அபி, வாங்கி கொண்டு அவனிடம் இரு சிறிய பாக்கெட்டை கொடுக்கிறான் கரீம், கொடுத்தவுடன் அந்த இடத்தைவிட்டு நகர்கிறான், போகும் போதே சொல்கிறான் “நிம்பள் போன் பண்ண வேணாம் அடுத்து நானே மெசஜ் கொடுக்கான் ஓகே.”

அவர்கள் போன பின் அங்கே ....”கெடச்சிடுச்சாடா?” கேட்டவாறு ஹரிஷ் வருகிறான், 

அபி-“நீயெண்டா இப்போவந்த? மாஸ்டர் பார்த்திட போறான்.”
அப்போ அவர்கள் பேசும் சின்ன மதிலுக்கு பின்புறம் அலெக்ஸ் உட்கார்ந்திருப்பதை பார்க்கிறான் அபி, ஒரு நிமிஷம் திக்கென்று ஆகிறது அவனுக்கு, பிறகு இவன்தான் அழுமூஞ்சி எதுவும் புரியாது என்று 

“டேய் என்னடா அழுமூஞ்சி,  இங்கே உட்கார்ந்து அழுதுனு இருக்கியா?”

“ஹா ஹா டேய் அந்த கிழவன் ரொம்ப தாளிச்சிடான்டா இன்னிக்கு இவன” என்று ஹரிஷ் சிரிக்கிறான் 

அதை பார்த்து அலெக்ஸ் திரும்பவும் காலில் முகத்தை புதைத்து கொள்கிறான். “டேய் சீ! எழும்பிவா அவன் திட்னதுக்கெல்லாம் சோகமாய் ஆயிடுவியா? லூசா விடு” என்கிறான் அபி அதற்குள் 

ஹரிஷ் “அபி எனக்கு எப்படா தருவ? எவ்வளவுடா? சீக்கிரம் சேம்பிள் கொஞ்சம் காட்டேன் மேட்ச் சூப்பரா விளையாடலாம்”

“இர்ரா..அவசரப்படாதே” பாக்கெட்டை பிரித்து ஒரு துளி எடுத்து ஹரிஷ் கையில் வைக்கிறான். 

ஹரிஷ் அதை மோர்ந்து பார்த்து நக்கி எடுக்கிறான் 
அலெக்ஸ் நிமிர்ந்து பார்கிறான். 
அபி-“அழுமூஞ்சி உனக்கு  வேணுமா? எல்லா சோகமும் பறந்து போயிடும் மறந்து போயிடும் ஒருதுளி எடுத்தா” 
ஆர்வமாகிறான் அலெக்ஸ் “என்னது அது?”
“அதுவா  எனர்ஜி பவுடர்”
“இத போட்ட மேட்ச் சூப்பரா ஆடலாம்னு சொல்லறானே… நிஜமாவா?”
“ஆமாண்டா வெண்ண.. பிச்சு உதிரலாம் பிச்சு எகிற இதை போட்டவுடன்”
“ஏ பிளீஸ் டா  எனக்கும் தாடா”
“உனக்கா? வேணாம்பா நீ போய் எல்லார்கிட்டயும் உளறி வச்சனா அவ்வளவுதான்”
“இல்லடா இல்லடா பிளீஸ் சொல்லமாட்டேண்டா”
“தரேன்.. ஆனா யார்கிட்டயும் சொல்லக்கூடாது. இதனாலதான் நாம நல்ல விளையாடுறோம் தெரிந்தா மாஸ்டர் வூட்டுக்கு சொல்லிடுவான்.. தள்ளி வச்சிடுவான்.. அப்புறம் சும்மா தரமுடியாது, விலைக்குத்தான் தருவேன். அவன்கயில குடுத்தேன் பார் ஒரு துளி அது நுறு ரூபா.. இருக்கா?”
“நுறு ரூபாவா?..இன்னிக்கு மேட்சுல தோத்துட்டா பார்ட்டி கொடுக்க காசுபோட தான் எடுத்துட்டுவந்தேன்”
“போடா லூசு இப்ப நீ எங்க டீம் கீழ் வந்துடுவ சோ ஜெயிக்க போறது நாமதான்”
“ஹாங்?!” வாயை பிளக்கிறான் அலெக்ஸ் “நிஜமாவா? உங்க டீம்லயா? அப்ப  சரி இந்தா” என்று நுறு ரூபாய் எடுத்து நீட்டுகிறான். யோசனையோடு பார்கிறான் அபி “டேய் உளறி வச்ச அவ்வளவுதான் அடுத்தவாரம் விளையாட கால் இருக்காது”
“இல்லடா சொல்லமாட்டேன் நீங்களும் நான் வாங்குனதை சொல்லாதிங்கடா”
“சரி கையை காட்டு” என்று அவனுக்கும் தடவுகிறான் ஒரு துளி பிறகு கிரவுண்டுக்குள் போகிறார்கள் 
கிளாஸ் முடிகிறது நவீன் ஓடி வருகிறான் “எங்கண்னா போனீங்க நேத்திக்கும் அந்த பொண்ணால சோகமாயிட்டீங்க இன்னிக்கு மாஸ்டர் திட்டிட்டார்”
“ஹான்?!” என்று இப்போது ஹரிஷும் அபியும் அலெக்ஸை பார்கிறார்கள்  அலெக்ஸ் நெளிகிறான் தலைகுனிந்து கொள்கிறான் “என்னடா விஷயம்” காதை கடிக்கிறார்கள். “சும்மா”.. 
ஹா ஹா ஹா சிரிக்கிறார்கள். 
நவீன் ஒன்றும் புரியாமல் முழிக்கிறான். அதற்க்குள் அலெக்ஸ்க்கு மெல்ல மெல்ல போதை ஏறுகிறது …..அவன் தனனை மிக லேசாக உணர்கிறான் வாய்விட்டு சத்தமாய் சிரிக்கிறான். 
நவினை கட்டி பிடித்து கொள்கிறான் “தேங்க்ஸ்ட்டா தேங்க்ஸ்ட்டா” என்று அபிக்கு கை கொடுக்கிறான். 
நவீன் முக்கியமான குரூப்பு கூட அலெக்ஸ் சேர்ந்துவிட்டதில் மிகவும் உற்சகமாகிறான் அவன் கண்னுக்கு அலெக்ஸ் ஹீரோபோல் தோன்றுகிறான்.

நாட்கள் நகர்கிறது இப்பொழுதெல்லாம் அலெக்ஸ் நடவெடிக்கையில் நிறைய மாற்றம்.. படிப்பில் கவனமற்று போய்விட்டான்.. வீட்டில் கேள்விகேட்டால் சத்தம் போட்டு கத்துகிறான்.. தான் செத்து போகிறேன் என்று பயம்புறுத்துகிறான் ரோஸியை . இதன் காரணமாய் ரோஸி அவனிடம் பேச பயப்படுகிறார்…மார்க் கம்மி என்று கேட்க போயி ஏதாவது செய்து விட போகிறான் என்று பிள்ளை பாசத்தில் மெல்ல மெதுவாய் அட்வைஸ் மட்டும் கூறுகிறார். ‘ஏன் இப்படி திடீரென்று’ என்று யோசிக்க தவறிவிடுகிறார். 
இப்பொழுதெல்லாம் புதிய பிரண்ட்ஸ்களுடன்தான் சுற்றல். எப்போதும் அவர்கள் என்னென்ன சொல்கிறார்களோ அதையெல்லாம் அடிமை போல் செய்கிறான். பதிலுக்கு அவனுடனே சுற்றி கொண்டிருக்கும் நவீனை இவனது அடிமையாய் நடத்தி கொள்கிறான்.

“நவீன் ஒரு ஹெல்ப்புடா.. என் பாக்கெட் மணி தீர்ந்து  போயிடுச்சிடா ..இந்த தடவை அபிக்கு கப்பம் வைக்கலானா நம்மள மேட்ச்சில் அவங்க சைடில் இருந்து தூக்கிடுவான் டா. ஒரு தீரி ஹன்ரட் எடுத்துட்டுவாடா நீ சின்னப்பையன் உன்ன சேர்த்துக்கமாட்டேன் சொன்னாங்க உனக்காக நான் எவ்வளவு பேசி இருக்கேன்.” 
கிரிக்கெட் ஆசையில் நவீன் வீட்டில் ரேணுவின் ஹன்பேக்கில் இருந்து தெரியாமல் பணத்தை எடுத்து கொண்டு வருகிறான், அலெக்சிடம் தருகிறான். 
“எதுடா? என்ன சொல்லி வாங்கன?” நவீன் மெதுவாய் தெரியாமல் எடுத்து வந்தாய் சொல்கிறான்... 
“டேய் மூஞ்சியை இப்படி வச்சிக்காத மாட்டிக்குவ”
“பயமா இருக்குண்ணா”
“விடுடா  சின்ன அமோன்ட் தானே தெரியாது” மெல்ல மெல்ல இதுபோல் எப்போதும் தொடர்கிறது இருவர் வீட்டிலும் 1,2 நூறுகள் தொலைவது.

இப்படியாக ஒரு நாள் நவீன் பள்ளியில் இருந்து அழைப்பு வருகிறது, “அரையாண்டு முடிந்து என்னடா மார்க் சரியா வாங்கலையா இரு அப்பா போன் வரட்டும் உனக்கு இருக்கு” என்று நவீனிடம் கத்துகிறாள் ரேணு

சுந்தர் பிராஜெக்டுக்காக சிங்கப்பூர் சென்று இருக்கிறான் 2 மாதமாய். பேரண்ட் மீட்டில் நவீனின் கிளாஸ் டீச்சர் அவனுடைய  போரொக்கரசை பற்றி குறை சொல்கிறார். 
படிப்பில் கவனமில்லை என்று  வீட்டுக்கு வந்தவுடன் ரேணு நவீனை திட்டுகிறாள் “இனிமே கிரிக்கெட் அது இதுனு ஏதாவது பார்த்த பாரு.. எப்பப்பாரு கிரிக்கெட்டு… படிப்பு வீணா  போச்சி.. கோச்சிங்கை விட்டு நிறுத்திவிடுகிறேன்.”
நவீன் அழுது கொண்டே சாப்பிடமாட்டேன் என்று அடம் பிடிக்கிறான் அலெக்சிடம்  போயி சொல்கிறான் அழுது கொண்டே

“டேய் அழாதடா.. நான் வந்து ஆண்டிகிட்ட பேசறேன்… லூசு முதலிலேயே என்கிட்ட சொல்றது தானே.. சரியா படிக்கலைனா வேற ஏற்பாடு பண்ணி இருக்கலாமில்ல ..சரியா படிக்கலைனா இரண்டு  பிட்டு  எடுத்துனு போயிடனும், அப்புறம் பாஸ்தான்.. அடுத்தடவை நீ சுமாரா படிச்சிக்கோ இரண்டு பிட்டு முக்கியமான கோஸ்டினுக்கு ரெடி பண்ணி எடுத்துனு போய்ட்டு செம மார்க்க எடுத்துடு. “

“எப்படிண்ணா..மாட்டிக்கிட்டா?”


தொடரும் ...

அலெக்சின் நடத்தையின் மாற்றம் நவீனை எப்படிஎல்லாம்  ஆட்டி படைக்கிறது என்பதை பார்த்து  கொண்டிருக்கிறோம்... இங்கு யார்? யார்? என்ன செய்திருக்கலாம், யார் மேல் தவறு என்று உங்கள் எண்ணங்களில் தோன்றும் நியாயங்களை பகிர்ந்து கொள்ள அழைக்கிறேன்.

பிள்ளை வளர்ப்பை பற்றி இவர் எவ்வளவு  தெளிவாக சொல்கிறார் என்றும் பாருங்கள்



  .



வியாழன், 7 டிசம்பர், 2017

புத்திசாலி யார் ? -2

புத்திசாலி யார்?  (முதல் பகுதியின் லிங்க் இது) என்ற கதையை தொடர்கிறேன் 
முதல் பகுதிக்கு கருத்து சொன்ன அனைத்து  தோழமைக்கும் நன்றி 
நான் சொல்ல நினைப்பது மற்றவருக்குள்ளும் இருக்கிறதா அப்படி இருந்தால் படிப்பவர்களுக்கு  வழி காட்டுதலாக  இருக்கும் பல பேர் ஒருமித்த கருத்தை வழிமொழியும் போது 
இனி தொடர்ந்து  அலெக்ஸின் போக்கையும் அதனால் நவீனனின் மாற்றத்தையும் இங்கு   பெற்றோரின் நடவடிக்கையும் பார்க்கலாம் ..


புத்திசாலி யார்? -2

“அதுவா..என் டாவு” 



“டாவா..?” தொடரும் ....


“அமாம் என் கிளாஸ் தான்  உனக்கு  புரியாது  போலாம்.. இதோ பார் நவீன் நம்ம செய்ர சீக்கிரட் நமக்குள்ள மட்டும் தான் இருக்கணும்… வீட்டுலையோ வேற எங்காயாவது  சொன்னே நா வேற டைம் மாத்திக்குவேன் நீயே போயிகோனு..” 


“ஐயோயோ வேண்டாண்ணா யார்கிட்டயும் உங்களை  பற்றி  எதுவும் சொல்லமாட்டேன். நீங்க என் தோஸ்த்துண்ணா.”


இருவரும் hi fi போட்டு கொள்கிறார்கள்.


நவீன் வெற்றிகரமாய் கோச்சிங்கில் சேர்ந்து ஒரு மாதம் கடக்கிறது. தினமும் இரண்டு ரோட் கிராஸ் செய்தவுடன் அலெக்ஸ்க்காக நிற்பதும் நடக்கிறது. கோச்சிங்கில் வசதி படைத்த மேல் மட்ட பசங்களும் வருகிறார்கள். ஒரு சிலபசங்க ஒரு குரூப் போல் தனியாக இருக்கிறார்கள், பிராக்டிஸில் தவறு செய்தால் இவர்களை அதிகம் திட்டும் மாஸ்டர் அவர்களை அந்தந்தளவுக்கு திட்டுவதில்லை. நவீன் சிறுவன் என்பதால் லேசான பிராக்டிஸ் மட்டுமே.


வீட்டில் நவீனின் ஆட்டம்பாட்டம் குறைகிறது. எப்போதும் அலெக்ஸ் கூடவே சுத்தி கொண்டு திரிகிறான் அவனோடேயே அவன் வீட்டில் இருக்கிறான், இரவு உணவுநேரம் வரை படிப்பும் அங்கேயே செய்கிறேன் என்று சொல்கிறான், ரேணுவும் சரி டீச்சர் வீட்டில் தானே அவன் படிக்கும் போது இவனும் அமைதியாக படிப்பான் தொந்தரவு என்றால் சொல்லுவார்கள் என்று விட்டுவிடுகிறாள்.


இதற்க்கு  நடுவே  சனி ஞாயிறு அலெக்ஸ் கிட்டார், ஸ்விம்மிங் கிளாஸ் போகிறான் என்று நவீனும் சேர்ந்து கொள்கிறான். சுந்தரிடமும் இதே காரணத்தையே கூறிவிடுகிறாள் “விடுங்க, வீட்டில் இருந்தால் எப்போதும் டிவி முன்னாடியே உட்க்கார்ந்து இருப்பான், இப்போ அதவிட்டானே அதுவே போதும், ஹோம் வொர்க் எல்லாம்  அவனே செய்துவிடுகிறான் அந்த பையனை கேட்டு.”, என்று இவர்களாக சமாதானம் ஆகி கொள்கிறார்கள். எல்லா இடத்திற்கும் அலெக்ஸே  சேர்கிறான்..... பணம் மட்டும் கொடுக்கிறார்கள்.



இரண்டு மாதம் கழித்து ஒரு நாள் ரோடில் எப்போதும் போல் நிற்கும் போது “நவீன் ஒரு ஹெல்ப் பண்ணுறியா..?”

”சொல்லுண்ணா” 


“அந்த பொண்ணுகிட்ட இந்த லெட்டரை கொடுக்கிறியா”


“நானா..?”


“ம்ம் போ சீக்கிரம் அவ கிராஸ் பண்ணுறாப்பாரு”,


நவீன் அந்த பெண்ணிடம் ஓடி போயி லெட்டரை கொடுத்து அந்த அண்ணா கொடுக்க சொன்னாங்கக்கா என்று திணித்து விட்டு ஓடியே வந்துவிடுகிறான்.


இருவரும் சைக்கிளில் ஏறி பறந்து விடுகிறார்கள். 


அடுத்த நாள் நவீன் அலெக்ஸை தேடி போகும் போது அவன் சோகமாய் படுத்து இருக்கிறான் அழுது கொண்டு..”என்னண்ணா ஏன் இப்படி இருக்கீங்க.. உடம்பு சரியில்லையா..? கிளாஸ் வேண்டாவா..?”


“ம்ம் போலாம்..” அவன் சோகம் தாங்காமல் “என்னண்ணா என்கிட்ட சொல்லுங்க” “டேய் அந்த பொண்ணு கோச்சிக்கிட்டு டீச்சர் கிட்ட சொல்லிடுவேனு  சொல்லுதுடா”


“ஐயையோ அப்புறம்?!”


“சொன்னா சொல்லிக்கிட்டும் டா.. ஆனா என்ன லவ் பண்ணமாட்டேனு சொல்லிடுச்சுடா.. அதுதான் செம கடுப்பா இருக்கு.. இன்னிக்கு மூட் இல்லைடா, நாளைக்கு கோச்சிங் போலாம்.” 


“ஓகேண்ணா.”


ரூமைவிட்டு இரவு உணவுக்கு கூட வெளியே வராமல் படுத்துவிடுகிறான், ரோஸியும் அவள் வேலை பளுவின் காரணமாய் அவன் உள்லிருந்தே பதில் அளித்ததை கேட்டுவிட்டுவிடுகிறாள். 


அடுத்த நாள் சனிக்கிழமை காலையிலேயே  கோச்சிங் இருந்ததால் இருவரும் கிளம்புகிறார்கள்.


சனிக்கிழமைகளில் கோச்சிங்கில் இருக்கும் பசங்க டீமாய் பிரிந்து மேட்ச் விளாயாடுவார்கள் இதில் மேல்மட்ட பசங்க டீமை தீர்மானிப்பார்கள். தோற்ற டீம் ஜெயித்தவர்களுக்கு சின்னதாய் பார்ட்டி போல் கொடுக்க வேண்டும். ரொம்ப சின்ன பசங்களை சில நேரம் இதில் ஒதுக்கிவிடுவார்கள்.


இன்று கோச்சிங்கில் “டேய் என்னடா ஆடுறா ஸ்பின் பாலை எப்படி ஹாண்டில் செய்யணும்னு சொன்னேன்.. அறிவுகெட்ட மூதீ.. கண்ணை என்ன பிடரியிலா வச்சிருக்க.. போடா பிச்ச விட்டு வெளியே போயி உட்கார்ந்து பாரு..இரிடேட் பண்ணுறதற்குகே வருதுங்க..” மாஸ்டர் அலெக்சின் முகத்தை பாராமல் திட்டி கொண்டே கைதட்டி அடுத்தவனை கூப்பிட்டுகொண்டே போகிறார்.. எல்லோரும் அலெக்ஸையே பார்கிறார்கள். 


அவனுக்கு வெட்கமாய் போயி அழுகை வந்துவிடுகிறது. கிரவுண்டயே விட்டு ஓரமாய் போகிறான் தனியான இடத்திற்கு போயி உட்கார்ந்து அழுகிறான்.


அப்போது அங்கே  வருகிறார்கள் இரண்டு பேர், கரீம் ,கிஷன்சிங் “நல்ல தெரியுமா இங்கதான் வர சொன்னானா அந்த பையன்..? ..ம்ம்.. இது எதோ கிரவுண்டு மாதிரி இருக்கு”...


“போன்ல இங்கேதான் இருக்கானு காமிக்குது”



அப்போது அங்கெ ஓடிவருகிறன் அபிஷேக், “பாய் ரெடியா?”




தொடரும் ...
ஏற்கனவே மனசுணக்கத்தோடு இருக்கும் அலெக்ஸ் மற்றவர்களின் ஆலோசனைக்கு முக்கியத்துவம் கொடுக்கிறானா என்பதை இனி ......


இந்த பகுதியில் நடந்த விஷயத்திற்கு  உங்கள் கருத்துக்கள் எண்ணங்களை பகிர்ந்து கொள்ள அழைக்கிறேன்...

முடிந்தால் நேரம் ஒதுக்கி இதையும் கேளுங்கள் மிக அழகா இன்றைய நிலைமையை எடுத்துரைத்துள்ளார் 
















செவ்வாய், 5 டிசம்பர், 2017

புத்திசாலி யார் ?

இன்று கதை ஒன்று 

நடப்பது என்ன ?1,2,3,4,5.6,7 என்ற பதிவுகளை தொடர்ந்து  அந்த விஷயங்களை தாங்கிய கதை பகிர்கிறேன் என்று சொல்லியிருந்தேன் . 
சிறு பிள்ளைகளை பற்றியது என்பதால் கொஞ்சம் போர் அடிக்கலாம்..... ஆனால் இதில் யார் பக்கம் தவறு என்று படித்தால் சொல்லமுடியும் உங்கள் கருத்தயும் .... 
அதை இங்கே தொடர்ந்து சிறு பதிவுகளாக கொடுக்கிறேன் இது ஒரு முழு கதை ....படித்து உங்கள் எண்ணங்களையும் கதையின் நிறை குறைகளையும் பகிருங்கள்.



 புத்திசாலி யார் ?  



“நவீன்… நவீன்… கிளம்பிட்டியாடா… வந்து டிபன் சாப்பிடு..பஸ் வந்திடும்.”

நவீன் “ம்ம் இதோ வரேன்”, கண்கள் என்னமோ டீவியில் சுவரசியமாய் நேற்று நடந்த கிரிக்கட் மேட்ச் செய்தி தொகுப்பை பார்த்து கொண்டு, கைகள் சாக்ஸ் அணிகிறது .

“ஓ காட் என்னடா பண்ற இப்பபோயி டிவி பார்த்து கொண்டு”

ஜாகிங் முடித்து உள்ளே வரும் சுந்தரை பார்த்தவுடன் அவசரமாய் எழுந்து ஒடுக்கிறான் டைனிங் டேபிளுக்கு சாப்பிட .

“ஸ்ஸ் அப்பாடா கொஞ்சம் சீக்கிரம் வாங்கனு டெயிலி சொல்லறேன் காதில் வாங்கறிங்களா..உங்க தலை பார்த்தா ஒழுங்கு அப்படியே வந்து குவிஞ்சிடும் ராசாக்கு..என்னைய பார்த்தா திமிரு..முளைத்து மூணு இல்லை விடல” புலம்பி கொண்டே கிச்சனுக்குள் நுழைந்து கொள்ளும் ரேணு
 
“டேய் என்.ஸி.ஸி கேம்புல சேர்ந்துட்டியா..?” சோபாவில் இருந்து குரல் வருகிறது

நவீனுக்கு விக்கல் எடுக்கிறது, கேள்வியில் கிச்சனில் இருந்து எட்டி  பார்கிறாள், அம்மாவை பார்த்து வாயசைக்கிறான் “பிலீஸ்மா..”

“துரைக்கு என்.ஸி.ஸி வேண்டாமாம்.. கிரிக்கெட் கிளாஸ்ல சேரணுமாம்..”

முறைக்கிறான் சுந்தர் “நான் என்ன சொன்னேன் கொஞ்சம் பெரியவனாகு சேர்ந்துக்கலாம், இப்ப யாராவது உன்னை கொண்டு போயி கூட்டிட்டு வரணும், எங்க ரெண்டு பேருக்கும் டைமில்ல, 12 வயசுக்கு பிறகு சேர்ந்தினா நீயே போயி நீயே வரலாம் இன்னும் ஒரு 2 வருஷம் போகட்டும்.”

“இல்ல அப்பா நம்ம அப்பார்ட்மென்டுலியே பக்கத்து பிளாக்ல இருக்கற அலெக்ஸ் அண்ணா போறான் பா நான் அவங்க போற டைம்ல போறேன் பா அவங்க கூட, பிளீஸ் பா நீங்க சொன்னா அந்த அண்ணா கூட்டிட்டு போவான் பா.”

சுந்தர் ரேணுவை பார்கிறான் என்ன சொல்ற என்பது போல்.. “நான் கேட்டு பார்கிறேன் முதலில், அதாங்க ஜார்ஜ் சாரோட பையன்”

“தேங்க்யூ மா……” என்று சத்தமாய் சத்தம் நவீன்.

மாலை மணி 7 மெயின்கேட்டிலேயே காத்திருக்கும் நவீன்,ரேணுவின் வருகையை பார்த்து.

வாசலில் கேப் வந்து நிற்கிறது ரேணு ‘பை’ சொல்லி இறங்கி திரும்பினாள் நவீன்…. “என்னடா இங்கே நிக்கற ஹோம் வொர்க் முடிச்சிட்டியா?...”

 “முடிச்சிட்டேன்…சரிவா..அம்மாஆஆஆஆ”.... “ஏண்டா இப்படி கத்தற..?”

“நீ அந்த அண்ணா கிட்ட கோச்சிங் பத்தி கேட்கிறேன் சொன்ன…?”

“விடமாட்டியே இப்பதானே வந்தேன் இரு முகமாவது கழுவிட்டு வரேன்”

“சரி நான் கீழயே இருக்கேன் நீங்க வாங்க”

ரேணு வருகிறாள் “வாடா” இருவரும் அலெக்ஸ் வீட்டு கதவின் முன்,காலிங் பெல் அடிக்கிறாள் அலெக்சின் அம்மா ரோஸ்மேரி வெளியே எட்டி பார்கிறார், “ஹேய் ரேணு வா வா.. என்ன அதிசியம்”

“ஹாய் ஆண்டி, இதோ இந்த வாலு இழுத்துட்டு வந்து இருக்கு”

“அப்படியா வெரிகுட்.. டா பையா , சரி உட்காருங்க ,என்ன விஷயம், முதலில் என்ன சாப்பிடற காபி டீ..?”

“அத்தலம் வேண்ணாம் ஆண்டி
ஸ்கூல் ஒர்க் எல்லாம் எப்படி போகுது..?”

“ம்ம் இன்னும் எக்ஸாம் வரும் போது தான் வேலை பெண்டை  கழட்டும்

"உங்க சன்னும்  10th ஆச்சே..”

“எப்போ சமசீர் சிலபஸ் வந்ததோ அப்பதிலிருந்து எல்லாத்துக்கும் குளிர்விட்டு போயிடுச்சி ஈஸி ஈஸி-னு, கிரிக்கெட் கோச்சிங்கில் இருந்தே இன்னும் வரவில்லை..கேட்ட நான் படிச்சுக்குவேன் நீ கவலை படாதேனு சொல்லவேண்டியது..எனக்கும் 12th போர்ஷ்ன் சீவியரா  ஆரம்பிச்சசுனா வீட்டுக்கு கூட வர லேட் ஆயிடும், என்ன பண்ண போறேன் தெரியலை ரேணு.. அங்கிள் தான் பார்க்கணும் சொல்லி இருக்கேன்”

ரேணு மணியை பார்க்கிறாள் 8 “இவ்வளவு நேரம் ஆகுமா ஆன்டி கிளாஸ் முடிய..?”

”கோச்சிங் செய்யறவரை  பொறுத்துனு சொல்லுறான் ..இப்ப வேண்டாமென்றாலும் கேட்காமல் கிரிக்கெட் பைத்தியம் பிடிச்சி ஆட்டுது”

“ம்ம் இதோ இந்த வாலையும் தான்.. இப்பவே இவருக்கு கோச்சிங்கில்  சேரணுமாம்.. அதான் கேட்டுட்டு போலாம்னு வந்தேன்”

“ஓ.. அதன் இந்த பக்கமா..”

“ஆமாம் ஆன்டி நாங்க  இரண்டு பேரும்  வர இவ்வளவு லேட் ஆகிடும் சில நேரம் கூப்பிட்டு போயி கூப்பிட்டு வர முடியாது.. சொன்னா கேக்க மாட்டறான் அடம்புடிக்கிறான் அதான் உங்க பையன் போகும் நேரத்தில் சேர்த்துவிட்டா அவன் கூப்பிட்டு போயி வருவானா ஹெல்ப் கேக்கலாம்னு வந்தேன்”

“அதுக்கென்ன ரேணு இப்ப வந்திருவான் கேட்கலாம்.... இதோ வந்திட்டானே..  வாடா உனக்காதான் ஆண்டி காத்திருக்காங்க”

“ஹாய்”,

நவீன் எழுந்து ஓடி போயி அவன் கையைப்பிடித்து கொள்கிறான். “என்னடா..?”
 
“ஹாய்ண்ணா”..

“ஹாய் அலெக்ஸ், கோச்சிங் எப்படி போகுது..?”

“அங் சூப்பர் ஆன்டி”

“இவனுக்கும்  சேரணுமாம்  என்னாலயும் அவங்க அப்பாவாலையும் முடியாது சோ அதனாலதான் உன்கிட்ட  ஹெல்ப் கேட்கவந்தேன், நீ போகும்நேரம் இவனையும் கூப்பிட்டு போயி சேர்த்து டெயிலி  கூப்பிட்டுடு போயி வர முடியுமா..?” என்று தயங்கி கேட்கிறாள்.

”ஓ ஸூர்! நோ பிராப்ளம் ஆன்டி.”

“ஆனா இவ்வளவு லேட் ஆகும் அதுதான் யோசனையா இருக்கு.. இவன் ஹோம்வொர்க் பண்ணனும்..படிப்பு பாதிச்சா அங்கிள் வேற திட்டுவாங்க”

“அம்மா அம்மா பிளீஸ் மா நான் ஸ்கூல் விட்டு வந்தவுடன் செஞ்சு  வச்சிடறேன்”

“ஸ்கூல் வொர்க்ல ஏதாவது பிராப்ளம் வந்துச்சி.. உங்கப்பா அவ்வளவு தான்.”

“விடு ரேணு அவன்தான் செஞ்சு வச்சிடுறேன் சொல்றானே இப்ப 5th தானே எதுக்கு இப்பவே புடிச்சி பயப்படுற” யோசித்து கொண்டே ஓகே சொல்கிறாள்.

ஜார்ஜ் வருகிறார் “வாம்மா..”

“ஹாய் அங்கிள்” மணியை பார்கிறாள் 8.45 போன் .எடுத்து பார்கிறாள் நிறைய மிஸ்டு கால்ஸ் சுந்தரிடமிருந்து “ஓகே ஆன்டி வரேன்… அங்கிளும் இப்பதான் வந்திருக்கார் கவனிங்க ..நிறைய நேரம் ஆகிவிட்டது ..அலெக்ஸ் நாளைக்கு கூப்பிட்டுட்டு போறியா..?”

“ஓகே ஆன்டி… ஈவ்னிங் 5'க்கு ரெடியா இருடா”

“ஓகேன்னா பாய்,..... பாய்”

அடுத்த நாள் ஈவ்னிங் 5'ஓ கிளாக் நவீன் குதித்து கொண்டு அலெக்ஸை தேடி வருகிறான்.

“வாடா வந்துட்டியா இரு போகலாம் உட்கார் இதோ வரேன்” என்று உள்ளே போகிறான்.

ரோஸி வேலையில்இருந்து வருகிறார் “ஹாய் நவீன் கிளம்பிட்டியா பால் குடிச்சி சாப்பிட்டியா ஏதாவது..?” என்று கேட்டு கொண்டே உள்ளே போகிறார்.

“மாம் நான் கிளம்பறேன்.. வாடா”

“அலெக்ஸ் டிபன் வச்சிருத்தேனே சாப்பிட்டியா..?”

“அதுவேண்டாம் நான் ஜூஸ் குடிச்சிட்டேன்..பை!”

பெஸ்ட் காஸ்ட்லீ ஹீரோ சைக்கிள் அவனிடமிருக்கிறது அதனால் அவனுக்கு நவீனை  கூப்பிட்டு போவது சிரமமாக தெரியவில்லை.

கிளம்பி இரண்டு ரோட் கிராஸ் செய்த்தவுடன் அலெக்ஸ் சைக்கிளை நிறுத்திவிடுகிறான்.

“எண்ணா இங்கே நிறுத்திட்டீங்க..?”

“கொஞ்சம் இருடா ஒரு 5 மினிட்ஸ்” என்று ஒரு புக்கை எடுத்து பார்த்து கொண்டிருப்பது போல் பாவலா செய்கிறான், 
நவீனுக்கு ஒன்றும் புரியவில்லை முழித்து கொண்டு நிற்கிறான், 

அப்போது ஒரு 13 வயது பெண் அவர்களை கிராஸ் செய்து நடக்கிறாள் இவர்களை பார்த்த்து கொண்டே.. அலெக்ஸ் நவீனை பார்த்து “டேய் இப்ப போச்சே அந்த கேர்ள் திரும்பி பார்க்க்கிறாளா பாரு சீக்கிரம் ஜல்தி” 
நவீனும் புரியாமல் பார்த்து கொண்டே இருக்கிறான்.

“ஆமாம்ண்ணா பார்க்கிறாங்க ஆனா போயிட்டாங்க.. யாருண்ணா அவங்க?”

“அதுவா..என் டாவு”

“டாவா..?” !!!!!

தொடரும் .....
நவீனுக்கு எவ்வளவு  புரிகிறது என்று பார்ப்போம் இனி....... 
இங்கு நடப்பது என்ன யார் என்ன செய்கிறார்கள்? 

வியாழன், 30 நவம்பர், 2017

படித்தில் பிடித்தது.....

                                                                 
                                

தன் தோள்களில் தாங்கியதை இறங்குவதே இல்லை கடைசிவரை....... சுகமாய் பயணித்ததை உணரும் தருணம் எப்போது .......



                தஞ்சையில் இருந்து சென்னைக்கு பத்திரிகை பணிக்கு வந்தபோது நல்ல சம்பளம்தான். ஆனாலும் ஊதாரி. வீட்டுக்கு போன் போட்டு, ஏதாவது பொய் சொல்லி, 
“ ரெண்டாயிரம் மணியார்டரில் அனுப்புங்கப்பா” என்பேன். (அப்போது நெட் பேங்க்கிங் கிடையாது)
அப்பாவும் உடனடியாக அனுப்பிவிடுவார். (சம்பளத்தைவிட அதிகமாக அப்பாவிடம் வாங்கியிருக்கிறேன்.)
மணியார்டரில் பணம் அனுப்பும்போது, அந்த ஃபாரத்தில் சில வரிகள் ஆங்கிலத்தில் எழுதி அனுப்புவார் அப்பா. (ஆங்கிலத்திலும் மிகப் புலமை பெற்றவர்) அதைக் கையால் எழுதாமல், யாரிடமாவது தட்டச்சி அனுப்புவார். அது அவரது வழக்கம்.
ஒவ்வொரு முறையும், “மை டியர் சன்.. (my dear son)” என்று ஆரம்பிக்கும் அந்த குறுங் கடிதம்.
ஒருமுறை மணிஆர்டர் வந்தபோது அதில் தட்டச்சியிருந்த வார்த்தையைப் பார்த்து அதிர்ந்தேன்.
மை டியர் சன் (my dear son) என்பதற்கு பதிலாக மை டியர் சின் ( my dear sin) என்று தட்டச்சியிருந்தது.
ஆங்கிலத்தில் Sin என்றால் “பாவம்” என்று பொருள்.
அப்பா வேண்டுமென்றே அப்படி தட்டச்சு செய்ய சொல்லியிருக்க மாட்டார். ஆனாலும் “சின்” என்ற வார்த்தை மனதை ஏதோ செய்தது.
அந்த மணியார்டர் பணத்தை வாங்காமல் திருப்பி அனுப்பிவிட்டேன்.
அப்பாவுக்கு போய்ச் சேர்ந்தது பணம். அவருக்கு அதிர்ச்சி. உடனடியாக என் அலுவலகத்துக்கு தொலைபேசினார்.
“ஏம்பா பணம் திரும்பி வந்துருச்சு” என்றார் பதட்டமாக.
அப்பாவிடம் எப்போதுமே வெளிப்படையாகவே பேசுவேன்: “மைடியர் சின் அப்படின்னு இருந்துச்சுப்பா… அது சரிதானேன்னு தோணுச்சு… அதான் “ என்றேன்.
அப்பா சிரித்தார். நான் அவரை மிக கவனித்திருக்கிறேன். பெருந்துன்ப நேரங்களி்ல் அவர் சிரிக்கவே செய்திருக்கிறார். அப்படியானதொரு துயரத்தை வெளிப்படுத்திய அந்த சிரிப்பை இனம் கண்டுகொண்டேன்.
அப்படியே போனை வைத்துவிட்டார் அப்பா.
அப்போது நான் பணியாற்றியது, இந்தியன் எக்ஸ்பிரஸ் குழுமத்தில் இருந்து வந்துகொண்டிருந்த தமிழன் எக்ஸ்பிரஸ் இதழில்.
மறுநாள் காலை.. அலுவலகத்தில்
இருந்த எனக்கு செக்யூரிட்டியிடமிருந்து (இன்டர்காம்) அழைப்பு. என்னைப் பார்ப்பதற்கு அப்பா வந்திருப்பதாக தகவல் சொன்னார்.
இரண்டாவது மாடியிலிருந்து ஓடி வந்தேன்.
செக்யூரிட்டி அலுவலகத்தில் அப்பா அமர்ந்திருந்தார்.
உள்ளுக்குள் ஏதோ செய்தாலும், சாதாரணமாக முகத்தை வைத்தபடி, “என்னப்பா திடீர்னு..” என்றேன்.
அப்பா என் தலைவருடி, “தம்பி.. அப்பா உன்னை சின்.. அதான் பாவம்னு நினைப்பேனா..? உனக்கென்ன ராஜா… நீதான் என் சொத்து… அந்த டைப்ரட்டிங்காரர் ஏதோ அவசரத்துல தப்பா டைப் அடிச்சுட்டார். இதுக்கெல்லாமா வருத்தப்படுறது? பணத்தை திருப்பி அனுப்பிட்டியே.. சிரமப்படுவேல்ல.. . அதான் கொடுக்க வந்தேன்” என்றார் அப்பா.
முட்டிக்கொண்டு வந்த அழுகையை கட்டுப்படுத்திக்கொண்டு ஏதேதோ பேசினேன்.
யோசித்துப் பார்க்கையில் பிள்ளைகள் என்போர், பெற்றவர்களுக்கு “சின்” என்றுதான் தோன்றுகிறது.
ஆனால், அப்பாக்கள் வரம்...
  

செவ்வாய், 28 நவம்பர், 2017

தேவதை என்னும் அரக்கன்-நிஜம்

நடப்பது என்ன ?

                                                                    

தேவதை என்னும் அரக்கன் செய்யும்  விபரீதத்தை பாருங்க இந்த செல்போன் என்னும் அரக்கன் செய்யும் அட்டுழியங்கள் பல என்று   முன்பே பதிவு போட்டு இருக்கிறேன் கொஞ்சம் கவன குறைவாய் இருந்தாலும் சரி நம்  இழப்பை  ஈடு செய்ய முடியாமல் போய்விடும்.
இதை  பற்றி ஒரு நிஜம் இங்கே...................

அரியலூர் மாவட்டம் ஜெயங்கொண்டம் அருகே உள்ள கருப்பையா நகரைச் சேர்ந்தவர் ஜெயம்.இவர் ஒரு  ஒய்வு பெற்ற தலைமை ஆசிரியை, இவருடைய மகன் செந்தில், டிகிரி முடித்துள்ளார்.


கடந்த சில தினங்களாக. செந்திலின் நடவடிக்கையில் மாற்றம் தெரிந்துள்ளது. நாள் செல்ல செல்ல, பெற்ற தாய் என்றும் பாராமல் ஜெயத்தை அடித்து துன்புறத்தத் துவங்கியுள்ளார்.காரணம் புரியாமல் அந்த தாய் தவித்துள்ளார்


செந்திலின் கொடுமை உச்சக்கட்டம் அடைய, வேறு வழி அற்று ஜெயம் காவல் நிலையத்தில் புகார் அளித்திருக்கிறார் .

போலீசும் நடவெடிக்கையில் இறங்கியது, 



செந்திலிடம் போலீசார் விசாரிக்கையில், திடுக்கிடும் தகவல்கள் வெளியாகின.

அதில், கடந்த சில தினங்களாக புளூவேல் விளையாட்டை விளையாடியதாகவும், விளையாட்டில் கொடுக்கப்பட்ட கட்டளைகளை ஒவ்வொன்றாக நிறைவேற்றி வந்ததாகவும் செந்தில் கூறினார்.
தொடர்ந்து, புளூவேல் விளையாட்டில், தாயை அடிக்கச் சொல்லி கட்டளை வந்ததாகவும், அதன்படி தாயை அடிதத்தாகவும் கூறியுள்ளார்.


இவனை போல் மாக்கான்கள் இருக்கும் வரை சைக்கோ தனமாய் விளையாட்டுகளை உற்பத்தி பண்ணும் சைக்கோக்களுக்கு வசதிதான்......


விளையாட்டில் கொடுக்கப்பட்ட கட்டளைக்காக, பெற்ற தாயையே மகன் அடித்து கொடுமைப்படுத்தியுள்ள சம்பவம் அனைவரையும் அதிரச்சிக்குள்ளாக்கியுள்ளது.இப்ப அதிர்ச்சி ஆகி என்ன செய்வது முதலிலேயே கவனித்து இருக்கனும் நம்ம வீட்டுது  சைக்கோ ஆகிறதா என்று .......

ஞாயிறு, 26 நவம்பர், 2017

மனிதனின் கற்பனை சாலைகளில்.

                 எனக்கு புதியதகவல்..... இது என்னை போல் யாருக்கெல்லாம் இது புதிதோ தெரியவில்லை... அதனால் படித்ததை  பகிர்கிறேன், தெரிந்து கொள்ளுங்கள்..... இப்படியும் நம்பப்படுகிறது 
சாலைகளில் பேய்கள் நீண்ட நெடுஞ்சாலைகளில்  மனித பேய்கள்தான் தொல்லை கொடுக்கிறது என்றால் கொள்ளைகாக.... கொலை என்றெல்லாம் பார்த்தால்...... இங்கு நிஜமாகவே பேய்களின் தொல்லையாம்... சில சாலைகளில் அவை எவையென்று பார்க்கலாமா பயம்மாதான் இருக்கு ஆனா தெரிந்து கொள்ளாமல் விடலாமா ? மனிதனின் கற்பனைகளின் எல்லைகளில் பயணம் செய்வோம் வாங்க 
                                                       


பங்கார்க் கோட்டை.சாலை
பெயரை பார்த்தாலே இங்கு எதோ இருக்கிறதோ என்றபயத்தை கொடுக்கிறது அல்லவா 
பங்கார்க் கோட்டையானது அமானுஷ்ய சக்திகள் நிறைந்ததாக நம்பப்படுகிறது. இந்த சாலையில் செல்லும் போது யாருக்கும் லிபிட்  கொடுக்க கூடாதாம்  ஏனென்றால் லிப்ட் கேட்பது  பேய்யாக இருக்கலாம்   என்பது இந்த சாலையில் பயணித்தவர்கள் கூறும் தகவல்.அதுக்கு எந்த ஊருக்கு போணுமோ பாவம் ஒட்டும் போது டிஸ்ரப் செய்யலைனா பராவாயில்லை 
                                                 
     
கெசாடி காட் சாலை 
சந்தோஷமா சுற்றலா போகலாமென்று கிளம்பினால் இது என்னடா இப்படி ஒரு குண்டு என்று நினைக்காதீங்க  நினைத்தீர்கள் என்றால் எங்கேயும் போகமாடோம் கடைசிவரை  இப்ப பார்ப்போம்....
கோவாவிலிருந்து மும்பை போகணும்னா  கெசாடி காட் நெடுஞ்சாலை வழியை உபயோகிக்க வேண்டி இருக்குமாம் இரவு நேரத்தில் இந்த பக்கம் பயணத்தை தவிர்ப்பது நல்லது என்று சொல்லப்படுகிறது  அப்படி போக  வந்துவிட்டால் .வழியில் வாகனங்களை நிறுத்துவது அறிவுரைக்கத்தக்கதல்ல என்றும்  ஆள் நடமாட்டம் அதிகம் இல்லாத இந்த பகுதி பார்ப்பதற்கு மிகப் பயங்கரமானதாக இருக்குமாம்
                                                     
டெல்லி - ஜெய்ப்பூர் தேசிய நெடுஞ்சாலை.
நீங்கள் ஆல்வார் வழியாக ஜெய்ப்பூருக்கு செல்ல திட்டமிட்டீர்கள் என்றால் எச்சரிக்கை நீங்கள் தே நெ எ 11 வழியாக செல்லுங்கள். அல்லது நீங்கள் ஆல்வார் வழியாகத்தான் செல்வீர்களென்றால் பேயுடன்தான் பயணிக்கவேண்டியிருக்குமாம் .என்று நம்புகிறார்கள் அப்படி போனா எக்ஸ்ரா ஸ்னேக்ஸ் எடுத்து கொண்டு போங்கள் பேய்க்கு பிடித்ததை கூகிளில் சர்ச் பண்ணவிட்டு 
                                       
கசாரா காட் சாலை.
சுற்றிலும் பசுமையான, இரண்டு புறங்களிலும் புற்கள் நிறைந்த ஒரு சாலை இது. மும்பை - நாசிக் இடையேயான இந்த சாலை மராட்டிய மாநில நெடுஞ்சாலைகளில்  ஒன்று. இது பேய்களின் நடமாட்டம்  இருப்பதாக நம்பப்படுகிறது அடுத்தது 
                                                   
சத்தியமங்கலம் தேசிய நெடுஞ்சாலை.
தேசிய நெடுஞ்சாலை எண் 209ல் சத்தியமங்கலம் காடுகள் வழியாக பயணம் சென்றிருக்கிறீர்களா? பொதுவாக காட்டு வழிப் பயணம் என்பது மனதுக்கு ஒரு புத்துணர்ச்சியாகவும். ஒருவித சாகச உணர்வை தருவதாகவும் இருக்கும்.கூடவே திக்  திக்கையும்  கொடுக்கும்   இந்த சத்தியமங்கலம் காட்டு பாதை கேட்கவே வேண்டாம் திகைக்க வைக்கும் திக்திக் நிமிடங்களாக இருக்குமாம் . இந்த காட்டுவழி நெடுஞ்சாலை தமிழகத்தின் மிக அதிக அமானுஷ்யம் பாதிக்கப்பட்ட பகுதியாக கூறுபடுகிறது .

ஐ!! ஜாலி  நாம ஊரில் இல்லையே இப்படியெல்லாம் அப்படினு சந்தோஷ் பட முடியவில்லையே இதோ ......
                                                   

கிழக்கு கடற்கரைச் சாலை.
சென்னையிலிருந்து பாண்டிச்சேரி செல்லும்போது கிழக்கு கடற்கரைச் சாலையில் பல்லாயிரம்பேர் பயணிக்கிறார்கள். இங்கே என்னடா  பேய் வந்துவிடப் போகிறது என்று உங்களுக்கு தோன்றலாம். பேயாலதான என்று புதிர் விளங்கவில்லை . ஆனால் தமிழகத்தில் அதிக அளவில் விபத்து நடக்கும் பகுதி என்று எடுத்துக்கொண்டால், அதில் இந்த சாலை முதலிடத்தில் வந்து உட்கார்ந்துவிடும். ஏன்னென்ற மர்மம் பிடிபடவில்லையாம்  இன்னமும் பல காரணங்களை கற்பித்து கொண்டும் .

படிச்சீங்களா தோழமைகளே நீங்க  இந்த மார்கத்தில் எல்லாம்  பயணித்து இருக்கறீர்களா உங்கள் அனுபவங்களை சொல்லுங்கள் இவை உண்மையா ?
காத்திருக்கிறேன் உங்கள் கருத்துக்களை அறிய .....




புதன், 22 நவம்பர், 2017

படித்ததில் பிடித்தது

படித்ததில் பிடித்தது உங்களோடயும் பகிர்ந்து கொள்கிறேன்  ........      

எப்படியெல்லாம் மனசை தேத்தறாங்க பாருங்க 

"என் பூட்டை உடைத்து 5 லட்சம் கொள்ளை அடித்து விட்டார்கள்!"
"பூட்டுக்குள் எப்படிடா 5 லட்சம் வைத்திருந்தாய்?" 

காலத்தின் கோலம் ......
.
“பையனுக்கு என்ன சார் பேர் வெச்சிருக்கீங்க?”
“லோராண்டி ன்னு வச்சிருக்கோம்”
“என்னய்யா பேர் இது. கேள்விப்பட்டதே இல்லையே”
“என்ன இப்படி சொல்லிட்டீங்க. சித்தர் பாடல்கள்ளே இடம் பெற்ற பேர் சார் இது”
“அது என்ன பாடல்?”
“நந்தவனத்தி லோராண்டி” 


 எல்லா கணவமாரும் பூவாங்கும் ரகசியம் ......

"தினமும் உன் மனைவிக்கு பூ வாங்கிட்டுப் போறியே.. அவ்வளவு பாசமா மனைவி மேல?"

"மாப்ளே! பாசம் மனைவி மேலே இல்லடா... பூக்காரி மேல!" 



நீங்க என்ன ஆல்டாப்பு நாங்க அதுமேல பாருங்க .......


கேர்ள்: எக்ஸாம் டைம்'ல நாங்க டி.வீ, ரேடியோ, கம்ப்யூட்டர், செல்போன் தொடவே மாட்டோம்...
பாய்: இவ்வளவு தானா? நாங்க புக்கையே தொட மாட்டோம். 


விளம்பரங்கள் செல்லாது 

செய்கூலி இல்லை, சேதாரம் இல்லை, கல்கிரயம் இல்லைன்னு நகை வாங்கினது தப்பா போச்சு!"

"என்னாச்சு?" 

"பேங்க்ல அடகு வைக்கப் போனப்ப இது தங்கமே இல்லைனு சொல்லிட்டாங்க" 

எப்படி சொன்னாலும் நாங்க மூளையை கசக்கி பிழிவோமில்ல இந்த மாதிரி கேள்விகள்ல.........

"எங்க கடைல துணி வாங்குனா கிழியவே கிழியாது சார்!" 

"அப்படியா? அப்போ எனக்கு 2 மீட்டர் வேணும்னா எப்படி கிழிச்சு குடுப்பீங்க?"          

அறிவாளியாம்.......

"என்னடா விட்டத்தையே வெறிச்சுப் பார்த்துக்கிட்டிருக்கே?"
"இரண்டு ரெக்கை உள்ள பறவை எல்லாம் வானத்தைச் சுத்தி வருது! இந்த ஃபேனுக்கு மூணு ரெக்கை இருந்தும் வீட்டுக்குள்ளேயே சுத்துதே!" 


கல்வி  கண்ணை துறக்கும் .......

நம்ம அப்பா முட்டாளாம்மா?"

"எதுக்குடா இப்படி கேகிறே?"

"எங்க வாத்தியார் என்னை 
முட்டாப் பய மவனேன்னு திட்டுறாரே" 

அன்பு பொங்குது  ........

மனைவி:- நேற்று நான் பார்த்து முழுக்க முழுக்க ஓர் நகைச்சுவை படம்.
சிரித்து சிரித்து பாதி உயிர் போய்விட்டது.

கணவன்:- 
இன்னும். ஒரே ஒரு தடவை அந்தப்படத்தைப் போய் பாரேன் 


 அமைதிதான் இதுதான் அமைதி.........                                  


                                                                
(இதை பார்த்துவிட்டு இந்த பிளாக் பக்கமே தலைவச்சி படுக்க மாட்டேன் சொல்லிடுவாங்களோ எது வம்பு நிறுத்துடுவோம் டார்ச்சரை )

வெள்ளி, 17 நவம்பர், 2017

நான்தான் கொசுடா கொசு

நான்தான் கொசுடா கொசு ஹா ஹா என்னை பார்த்தியா நான் எங்கே இருக்கேனு 


இப்ப இருப்பதிலேயே மனிதனை சித்திரவதை செய்ய அனுப்பட்ட மிகச்சிறிய ராட்ஷசன் ஏழை பணக்காரன் நல்லவன், கெட்டவன், கொள்ளைக்காரன் கொலைகாரன் என்று பாகுபாடு இல்லாமல் எல்லாரையும் ஒன்றாகவே   பார்ப்பேன் 

எல்லா  இடத்துக்கும் போவேன் என்னை உன்னால் தடுக்கமுடியாது மனிதா நீ வாழும் போதே  அந்நியன் படத்தில் வருமே கருட  புராணத்தில் கூறிய எல்லவிதமான கொடுமையும் நான் உனக்கு  இங்கேயே காட்டுறேண்டா நீ பய பட  வேண்டியது எனக்கு எனக்கு   மட்டும் தான் என்னை  பார்த்து பயந்து எல்லா பிகாஷ்னும் நீ செய்துக்கணும் உன்னை ஒளிச்சிக்கணும்......


நீ எங்க? எப்படி? இருக்கேனுயெல்லாம்  பார்க்கமாட்டேன் நீ கொஞ்சிகிட்டு இருந்தாலும் சரி புலம்பிகிட்டு இருந்தாலும் சரி எனக்கு அதை பற்றியெல்லாம் கவலையில்லை ....பிரச்சனையில்லை..... ஐயோ! பாவம் என்றெல்லாம் பார்க்கமாட்டேன் அடங்காபிடாரியாய் ஆடவே வந்துள்ளேன்.


ராட்ஷன் என் வாழ்வு நிலை கம்மிதான் ஆனால் போவதற்க்கு முன் உன்னை டம்மியாகம போகமாட்டேன் என்ற  சாபத்துடனே பிறப்பெடுக்கிறேன் நீயென்னடா மமமதையோடு  அலைவது உன் மயிர்கால்களையும் தாண்டி உன் உயிருக்கும் உலைவைத்திடுவேன். 


என்னை வைத்து எத்தனை கிண்டலாய் மீமிஸ்போட்டுக்கோ ஜோக் போட்டுக்கோ  எல்லாம் போட்டு கொண்டாலும் உன் மாமிசத்தையே உருக்க வைக்கும் திறமை  எனக்கு இருக்குடா சொடுக்கு போடும் நேரத்தில் செய்திடுவேன் ஹா ஹா என்று கொக்கரிக்கும்.
  

வேப்பிலை போட்டாலும்சரி  சுத்தினாலும் சரி சுட்டாலும் சரி  அப்பிடியா என்று  பதுங்கிக்கொள்கிறது எவ்வளவு  நேரம் இது உனக்கு துணையிருக்கும் நீ வெளியில வந்துதான் ஆக்கணும் மச்சி என்னாலதாண்டா உன் நேரத்தை ஒதுக்கி நீயிதையெல்லாம்  செய்துகிட்டு இருக்கே என்கிட்ட இருந்து தப்பிக்க நீ கசப்பை முகர்வ உனக்கு ஆகாததையெல்லாம் செய்து பார்ப்ப ......நக்கலாய்  கொக்கரிக்கிறதே 



இப்படியாக  பயமுறுத்தி அலையும் சிறிய ராட்ஷனுக்கு பயந்து உலகின்  வல்லரசு அமெரிக்க கூட பயந்துடுச்சினா பார்த்துக்கோங்க  எதை எதையோ கண்டுபிடிக்கும் நேரத்தில் இதனுடைய டிஸ்ரேபென்ஸ்  தாங்கலையாம் அதுக்குன்னு உடனே நீயென்ன ஆடுவது  உனக்கு  ஒரு எதிரியை  உன்னை போல் ஒருவனை உருவாகிறேன் பாருன்னு சாவல் போட்டு கொண்டதுதாம் 
களத்தில் இறங்கியதாம் அது என்னனா .....


அமெரிக்க விஞ்ஞானிகள் மரபணு மாற்றத்தின் மூலம் மூன்று கண்களுடன்(நெற்றி கண் திறப்பினும் குற்றமே என்று இதுவும் அதுகூட ஒத்துழைக்க போயிட போகுதய்யா  பார்த்து கோங்க)  இறக்கை இல்லாத கொசுவை உருவாக்கியுள்ளனர்.



அமெரிக்காவின் கலிஃபோர்னிநா பல்கலைக்கழகத்தைச் சேர்ந்த விஞ்ஞானிகள் பறக்க முடியாத, மூன்று கண்கள் கொண்ட கொசுவை உருவாக்கியுள்ளனர். இந்த கொசுக்கள் மஞ்சள் நிறத்தில் உள்ளன.
        eferve

CRISPR/Cas9 என்ற மரபணு மாற்ற தொழில்நுட்பத்தைக் கொண்டு இந்த கொசுவின் மரபணுக்களில் மாற்றம் செய்துள்ளனர். இவ்வாறு கொசுக்கள் உருவாக்கப்படுவது ஏன் என்று கேட்டால் அதற்கு சற்றும் யூகிக்க முடியாத பதில் அவர்களிடம் உள்ளது.
                                         

இந்த மாதிரி கொசுக்களை உற்பத்தி செய்தால் அவற்றின் மூலம் பெருகும் கொசுக்களும் இதேபோல குறைபாடு உள்ளவையாக இருக்கும் என்றும் உயிரைப் பறிக்கும் பயங்கர நோய்களைப் பரப்பும் கொசுக்களின் பெருக்கத்தை இது கட்டுப்படுத்தும் என்றும் அவர்கள் தெரிவிக்கின்றனர்.(ஹா ஹா ஹா  தலையை சுற்றி மூக்கை  தொட்டிடுவோமில்ல )



என்னடா இவளுக்கு  இவ்வளவு சந்தோஷமா இதை பார்த்து  என்னை  கோபத்தில் இப்போதும் வந்து பதம் பார்த்துவிட்டு போகிறது என் ரத்தத்தில் உப்பு இருக்கா ,கரி இருக்கா, சுகர் இருக்கா என்று ???
                                                             என் நாட்டுக்கு 
                                                             உன் நாட்டுக்கு 
                                                             எதிரி நாட்டுக்கு 
                                                             எல்லா நாட்டுக்கும் 
                                                             இருக்கும் 
                                                             ஒரே போராளி 

செவ்வாய், 14 நவம்பர், 2017

கேட்டிங்களா கேட்டிங்களா கதையை


                        மகாத்மா காந்தினாலே  அவர் கண்ணாடியை  தாம் முதலில் நினைவு கொள்வோம் ஏதாவது புதிர் காம்படீஷன் வந்தால் கூட  அந்த கண்ணாடியை வைத்தே கண்டுபிடித்துவிடும் அளவுக்கு மகத்துவம் பெற்ற அவர் கண்ணாடி அடையாள சின்னம்- இது தூய்மை இந்தியாவின் அடையாள சின்னமாக உள்ளது.



                          சரித்திரம் படைத்த இந்த கண்ணாடியை மாற்ற சொல்லி இந்தியாவிற்கு பயணம்  வந்த ஐ.நா. சிறப்புப் பிரதிநிதி லியோ ஹெல்லர்   சொல்லிட்டார் எப்படின்னா  "தூய்மை இந்தியா திட்டத்தின் சின்னமான மகாத்மா காந்தியின் கண்ணாடியைப் பார்த்தேன். இது மோசமான நிலைமை. விரைவில் காந்தியின் கண்ணாடியில் மனித நேயத்தின் லென்ஸை மாட்ட வேண்டும்" 

                           தூய்மை படுத்த ஐடியா கொடுப்பாங்கனு பார்த்தா இவங்க கண்ணாடியை மாற்று வேஷ்டியை மாற்று என்று டிரெஸ் சென்ஸ்க்கு  சொல்விட்டு போயிருக்காரு ... 



                          இது பயங்கர சர்ச்சையை கிளப்பியுள்ளது  நாமதான் சர்ச்சயை கொண்டாடுவதில் வல்லவர்கள்  ஆச்சே 



                          அரசு தரப்பில் இருந்து "மகாத்மா காந்தி மனித உரிமைகளுக்கு(இதபாருங்க ஜோக்கு மனித உரிமையாம் இதுதான் புரியமாட்டேங்குது இதெல்லாம் நல்ல சொல்றாங்க ஆனா பின்பற்றுகிறார்களா  இதைமட்டும் கேட்க கூடாது )  முன்னுரிமை அளித்தவர் என்பது உலகத்தில் அனைவருக்கும் தெரியும். சுகாதாரதைப் பேண தனி கவனம் செலுத்தினார். தூய்மை இந்தியா திட்டத்திற்கு அவரது கண்ணாடி மிகவும் பொருத்தமானது" என்று பதிலை கொடுத்து இருக்கிறது. இதுமாதிரி ஒண்ணுமில்லாத விஷயத்திற்கு தீர்ப்பு சொல்லனும்னா தெளிவா உடனே சொல்லுவோமில்ல  


ஞாயிறு, 12 நவம்பர், 2017

புதுமை என்பது இதுதான்

புதுமை என்பது இதுதானா .....




                    இந்தியாவின் புகழ்பெற்ற பல்கலை கழகங்களில் ஒன்று பூனே பல்கலை கழகம்  இங்கு நாட்டின் பல பகுதிகளை சேர்ந்த மாணவ, மாணவிகள் பயின்று வருகின்றனர். திடிரென்று இந்த  பல்கலைக்கழக மாணவர்களுக்கு தங்க பதக்கம் வழங்க, பல்கலைக்கழக நிர்வாகம் புதிய விதிமுறைகளை கொண்டுவந்துள்ளதாம் .                     

                 

                     அது என்னவென்றால்  இங்கு படிப்பை மட்டும் அடிப்படையாக கொண்டு தங்கப்பதக்கம் இனி வழங்கப்படமாட்டாது 


பின்னர் எப்படி  தங்க பதக்கம் வாங்குவது ?

                    


                       தங்க பதக்கத்தை  விரும்பும் மாணவர்கள், படித்து அதிக மதிப்பெண்கள் பெற்றால் மட்டும் போதாதாம்...... அவர்கள்  அசைவம் சாப்பிடாதவர்களாக இருக்க வேண்டுமமாம் ...... அதுமட்டுமில்லை மிக முக்கியமான புதுமை , மாணவர்கள் மது அருந்தாமல் டீடோட்டலர்களாக இருக்க வேண்டும் என்றும் புனே பல்கலைக்கழகம் தெரிவித்துள்ளதாம்  இப்படித்தாங்க மாற்றத்தை கொண்டுவரனும் .ஆனா அப்படி மதுவே அருந்தவர்கள் எப்படி கண்டுபிடிப்பாங்க மருத்தவம் காண்பிக்குமோ? 


                  மதிப்பெண்கள் அடிப்படையில் மட்டும் தங்கப்பதக்கம் வழங்கப்படாது என்றும் மாணவர்களின் பழக்க வழக்கங்களை பொறுத்தே வழங்கப்படும் என்றும் அறிவித்துள்ளதால் பழக்கவழக்கம் என்பது நெறிமுறை படுத்தபடுமா? இப்பொழுதே அங்கே போயி இதை பற்றி  ஆராயவேண்டுமென்று வேகம் வருகிறதே....... எப்படி இதை கண்காணிக்க போகிறர்கள் என்று ...


                    இதுமட்டுமல்ல பதக்கம் வாங்கும் மாணவர்கள் ஷெலர் மாமா.! என்று பட்டபெயரும் கொடுக்கப்படுமாம் இந்த விதிகளுக்கு உட்படடவர்கள் இங்கு சேர்வதற்க்கான விண்ணப்பங்கள் நவம்பர் 15ஆம் தேதி வரை பெறப்படும் என்றும் பல்கலைக்கழகம் அறிவித்து இருக்கிறதாம்   ஏன் இப்படி திடீரென்ற முடிவு குற்றங்களை குறைக்கவா ?மாமிசம் என்பது மதுவுடன் சம்பந்த படுகிறது என்ற நோக்கத்திற்காகவே இப்படி மாமிசத்தையும் சேர்த்து தடை செய்திருக்கிறார்களா??

                     

                     இதை பெற்றோர்களே வரவேற்பார்களா என்பது சந்தேகமாகவே  இருக்கிறது ஏனென்றால் மாமிசம் மட்டுமே சாப்பிட்டு வாழும்  சமூகதினரிடமிருந்து இதற்கு  வரேவேற்பு நிச்சியம் இருக்காது.   

                    

புனே பல்கலைக்கழகத்தின் இந்த அறிவிப்பு தற்போது சமூக வலைதளங்களில் பயங்கர எதிர்ப்பை கிளப்பியிருக்கிறதாம் . மாணவர்களிடையே பிளவை ஏற்படுத்தும் செயல் என்று பல்வேறு அமைப்பினர் இதற்கு எதிர்ப்பு தெரிவித்து வருகின்றனர்.


உணவு என்பது பிளவை கொடுக்குமா? 
    

நீங்களும் சொல்லுங்களேன்......... 


வியாழன், 9 நவம்பர், 2017

தவறு செய்துவிட்டேனா?

தோழமைகளே உங்களிடம் இப்பொழுது திணறலாய் தோன்றும் விஷயத்தை பகிர போகிறேன் உங்கள் கருத்துக்களை  பகிர்ந்து கொள்ளுங்கள் ....


என் மகன் கல்லூரி இப்பொது தான் முடித்தார்.... அவரின் சிறு வயதில் இருந்து அவருடன் பலவறறையும்  டிஸ்கஸ் செய்வேன்.  நானே அவனின் முதல் தோழியாக இருக்கவேண்டுமென்ற பேராசையும் ....அவனின் குறை நிறைகளை அவனின் கஷ்ட்ட துக்கங்களை என்னிடம் அவன் பகிர வேண்டும் கலந்தாய்வு  செய்ய வேண்டும் என்ற நோக்கத்தில்...... சினிமா, சமூகம்,  அரசியல் எல்லாவற்றையும் பற்றி குறித்து  டெயிலி செய்திகளில் வருவதை  விவரிப்பேன், பேசுவேன். 


அவரின் 14, 15 வயது வரை அவர் கருத்துக்களை கேட்பார் நானும் அவரின் தந்தையும் அவரின் கேள்விகளுக்கு முடிந்தவரை   பதில் அளிப்போம். எப்பொழுது அவர் ஒட்டு போடும் வயது வந்ததோ அப்பொழுது முதல் எல்லாவிஷயங்களும் விவாதமாய்  மாறிவிட்டது. அவரும் கருத்து சொல்ல கிளம்பி இதில் எதை பேசினாலும் நாட்டை  பற்றியே போயி முடிவுற்றது. எல்லா விஷயங்களும் அவரும் அதிகம் தெரிந்து கொள்ள ஆரம்பித்தார் தனிச்சையாக சமீபமாக நடக்கும் விஷயங்கள் சூடு பரப்பும்  விவாதங்களாக மாறுகிறது.

 

இன்றைய  இளைய தலைமுறை பற்றி பேச போனால் பயங்கர விவாதம் பெரியவர்கள் நாம் தான் சரி வர வளர்க்க தெரியவில்லை என்று குற்ற சாட்டை முன் வைப்பார்  இன்னறய அரசியலை பற்றி பேசினால் புலம்பினால் அவருக்கு பயங்கர கோபம் வருகிறது  "  நாட்டில் நடக்கும் குற்றங்களை தட்டி கேட்க  நீங்கள் உங்கள் பிள்ளைகளை வளர்கிறீர்களா?  ஒற்றுத்தான் கொள்கறிர்களா? இல்லை.......  நல்லா படி  நல்லா சம்பாதி...... எந்த பிரச்னைக்கும் போகாதே நியுண்டு உன் வேலையுண்டு என்று இரு...... இப்படித்தானே சொல்லி சொல்லி வளர்க்கறீங்க" 


"இது என்ன சினிமாவா  தனியொருவன் கேட்க" என்று கேட்டால்



 "கும்பலாய் கேட்டாலும் போலீசை காட்டி பயம்புறுத்துகிறீகள்" போன தலைமுறையெலாம் இரண்டாங்கெட்டானாய் வாழ்ந்துவரும் தலைமுறைகள் கூழுக்கும் ஆசை மீசைக்கும் ஆசை என்று சாடுகிறார் .
"யார் சொல்லி தருகிறீர்கள்...... இது தப்பு என்ற சொல்லி தந்தவர்கள்......  அதை தட்டி கேள் என்று சொல்லி தரவில்லை..... ஒதுங்கி போ...  படி படி..... நீ பெரியஆள்  ஆகு பணம்.... பணம் தேடி ஓடு..... காசுகொடுத்து எல்லா வேலைகளையும் முடித்து கொள்ளலாம் இது தான் நிலைமை..... என்று தவளை போல் கத்தி கொண்டு இருக்கும் கூட்ட்மாய் இருக்கிங்க"


  "நாடு இப்படித்தான் இருக்கும் அப்போ..... பக்கத்தில் தப்பு செய்யும் ஒரு பையனை கூட கேட்க முடியாமல் தான்  நிறைய பேர் வெறுப்புடன்....... ஏன்னா  வீட்டில் உனகெதுக்கு  பிரச்னை நாளைக்கு போலிசு கேஸுன்னு வந்தா படிப்பு கெட்டுவிடும் சொந்தக்காரங்களாம் ஒருமாதிரி பார்ப்பாங்க இப்படி பயமுறுத்தியே வாழ சொல்லி கொடுக்கறீங்க...... ஏன்? நீங்க விடுவிங்களா   உங்க பிள்ளையை?" கோபமாய் கேள்வி கேட்க   திணறித்தான் போகிறேன். 


என் அம்மாவோ  அவனது பாட்டி என்னை எப்போதும் சமீபமாய் அதிகம் திட்டுகிறார் நீதான் காரணம் எல்லாத்துக்கும் எல்லவரையும் அந்த பையனிடம் பேசி குழப்பி வச்சு இருக்க....  அவன் தோழர்களுக்கு ஏதாவது பிரச்னைனா முதல இவனை தான் கூப்பிட்டு போறானுங்க இவன்தான் பேசுவானு...... ஜல்லிக்கட்டு போராடம்  நடந்த அப்ப எல்லா நாளும்  பழியா கிடந்தது உனக்கு  கொஞ்சம் கூட பயமே இல்லை என்னா  புள்ளையை  வளர்க்கற' உனக்குத்தான்  இந்த மாதிரி இருந்தேனே நாளைக்கு கஷ்ட்ம் வாழக்கையில என்று சொன்னா...   கல்யாணமெல்லாம் பன்னிக்கமாட்டேன் இந்தமாதிரி தட்டி கேட்க  போயிட்டேனா' என்று பேசுது எல்லாம் உன்னால தான் என்று கொஞ்சி  தள்ளறாங்க   2015 வெள்ளத்தில் உதவ போனபோதும் இப்படித்தான் வீட்டில் உள்ளோரிடம் திட்டு அவனுக்கு ஏதாவது ஆச்சி பாரு என்று பயமுறுத்தல்

 

அவனுடைய தோழர்கள்  திட்டுகிறார்கள்  என்ன ஆன்டி ஒரு சினிமா பார்த்த கூட இவன் அதுலயும் இப்படி இருக்கனும் இது சரியில்ல இது நொல்லைனு நுணுக்கமா ஆராயச்சி  பண்ணிட்டே இருக்கான்

 இதில்சமீபமாய்  2 மாதம் முன்பு ஒரு தோழனின் புல்லட் பைக் திருடு  போய்விட்ட்டது  விடியற்காலையில் போன் இவன் கிளம்பிவிட்டான் அப்படியே போட்டிருக்கும் பனியன் ஷார்ட்ஸோடு ...... போலீஸ் கம்பிளைன்ட் கொடுக்க இழுத்து போயிட்டான் அங்கே இவனை யாரு நீ என்று கேட்க விஷயத்தை சொல்லி இருக்கான் ஷார்ட்ஸோடு எல்லாம் போல்ஸ்  ஸ்டேஷன் வரகூடாது என்று சொல்ல இவனுக்கு கோபம் வண்டி காண்வில்லையின்னு பதறி ஓடிவந்தா இப்படித்தான் வரமுடியும் என்று சொல்லி இருக்கிறான் அவங்க அஸ்யுஷ்வல்  CSR  போடவே   இப்பவா அப்பவா என்று இழுத்து அடிச்சு இருக்காங்க அதையும் முடிச்சா மற்ற பார்மாலிட்டிஸ் முடித்து FIR போட இழு இழு என்று இழுக்க எல்லாம் காசுக்காகத்தான். இவன் கொடுக்கமுடியாது என்று முரண்டு.... 2 மாதம் ஆகிவிட்டது அவன் தோழன் புலம்புகிறான் இன்னும் அந்த வண்டிக்கு டியூவே (கடன்)  முடியலை இன்ஷுரன்ஸ் கிளைம் பண்ணாலும்  எனக்குதான் நஷ்டம் FIR போட்ட பிறகுதான் எதுவும் முடியும் சொல்றாங்க காச கொடுத்து முடிக்கலாம்டான்னு சொல்றேன் இவன் விடமாட்டேங்கிறான் ஆண்டி....  என்று இப்பொழுதும் வீட்டில் திட்டு......


 
என்ன செய்யட்டும்?

எப்படி வளர்த்திருக்கணும்? 

நான் தவறு செய்துவிட்டேனா?


அவனின் கேள்விகள் தவறாய் இல்லையென்போது முன்னுக்கு முரணாய் நான் பேச தயக்கமாய் இருக்கிறது .


செவ்வாய், 7 நவம்பர், 2017

விலைவாசி

மழையில் நடக்கும் நிகழ்வுகளில் மீண்டும் அதை பற்றி


ஏங்க .....


குமார் சீரியஸா டீவியில் நியூஸ்   பார்த்து கொண்டிருக்கிறான் சாப்பிட்டு கொண்டே…….  மழையின் தாக்கம் சென்னையில் என்ன செய்து இருக்கிறது என்ற செய்திகள் பீதியை கிளப்பி கொண்டு இருக்கிறது.


ஏங்க ...திரும்பவும்  ராதியின் குரல் பெட்ருமில்  இருந்து வருகிறது


இப்பொழுது தான் அரைமணி நேரமுன்னாடிதான்   வேலையில் இருந்து கொட்டும் மழையில் தன் வீடு இருக்கும் சாலை மழை நீரில் மூழ்கி இருக்க நீந்தி வந்து சேர்ந்து அழுக்காய் நாற்றமடித்த  தண்ணீரின் சுவடு போக குளித்து வந்து உடகார்க்கிறான் உடம்பு சில்லிட்டு இருக்கிறது .


குமார் என்னடா இது என்பது போல் மணியை பார்க்கிறான் மணி 9.30 வெளியே மழை சத்தம் நாளைக்கு நிலவரம் என்ன ஆகும் என்ற  கவலையெல்லாம் பின்னோக்கி ஓடிவிடுகிறது. மெதுவாய் சில்லிப்பு தாங்காமல் இறுக்கமாய் மடித்து வைத்த  கால்கள பிரித்து டிவியை அணைத்துவிட்டு ஒரு பரபரப்புடன் படுக்கையறை செல்கிறான்.


அங்கே ராதி தன் இரண்டாவது கைகுழந்தையை தொட்டிலில் ஆட்டி   கொண்டு இருக்கிறாள் மூன்றுவயது வருண் உறங்கி கொண்டு குமாரின் வரவு தெரியாமல் மீண்டும் “ஏங்க”…..என்று கூப்பிடுகிறாள். குழந்தை விழித்துவிடுமோ என்ற குரலை உயர்த்தாமல் அவள் அருகில் நெருக்கத்தில் குமார் திடுக்கிட்டு திரும்புகிறாள் என்னவென்று குமாரின் முகத்தை பார்த்து முறைக்கிறாள்.


நியூஸ்ல என்ன சொல்லறாங்க மழை நின்னுடுமா நாளைக்கு என்று கடு கடுவென முகத்துடன்


இல்லயாம் நாளைக்கும் மழை இருக்காம்


ஐயோ இப்பவே ரோடு மூழ்கியாச்சு தண்ணி ஏறிடுச்சினா  இன்னமும் ....கொஞ்சம் போயி இரண்டு பெக்கெட் பால் வாங்கிட்டு வந்துடுறிங்களா அப்படியே பிரட் முடடை சிலவற்றை பட்டியலியிடுகிறாள்.


நேரத்தை பாரு ஏண்டி அப்பவே போன்ல சொல்லி தொலைக்கவேண்டியது தானே சே இதுக்குதான் ஏங்க ஏங்க னு ஏங்கிட்டு இருந்தியா….. இந்த மழையில  நீந்திக்கிட்டு திரும்பவும் போ சொல்லற


பிளீஸ் பிளீஸ் கொஞ்சம் வாங்கிட்டு வாங்க வருணுக்கு உடம்பு சுடர மாதிரி இருக்கு சாப்பிடாமலே படுத்துட்டான் சின்னத்துக்குத்தான் பால் இருக்கு நாளைக்கு தேவை படும் பால்காரன் நீந்திக்கிட்டு எப்ப வருவானோ ?


அவனை  இப்பொது கவலை  தொற்றி கொள்கிறது
மருந்தெல்லாம் இருக்கா கையில சட்டையை எடுத்து மாட்டி கொண்டே  

ம்அதெல்லாம்  இருக்கு  இப்போதைக்கு லேசா சுடர மாதிரிதான் இருக்கு உங்களுக்கு நாளை லீவ் விடுவாங்களா?


ம்கூம் அவன் ஏன்டி லீவ் விட்டுறான் அங்கேயா மழை கார்ப்ரெட்லலாம் நாம கஷ்ட்டத்துக்குகெல்லாம் லீவ் விடமாட்டான் படிச்சவ மாதிரி பேசு……

.
பெருமூச்சுவிடுகிறாள் சே இப்படி மழை விடாம பெய்யுதே நாளைக்கு சப்போஸ் டாக்டர்கிட்ட போகணும்னா என்ன பண்ணுவது என்ற யோசனை அவள் மனதில்
சே நல்ல வந்து மாட்டிகிட்டோம் என்று மறந்து போயி சத்தமாய் சொல்லிவிடுகிறாள் .

இப்ப சொல்லு  உங்க அப்பனை சொல்லணும் எங்க வந்து வாங்கியிருக்கார் பார் சின்ன மழைக்கே தண்ணி வந்து நிக்கிற இடத்தில ஒரு எமெர்ஜென்சினாகூட ஒரு டாக்டர் கிடையாது இங்க ஒரு போக்குவரத்து வசதி வேணுமின்னா கிலோமீட்டர் நடந்து போகணும் கேப்காரன் கூட உடனடியா வரமுடியாத இடத்தில ……


சும்மா எங்க அப்பாவை  சொல்லுங்க உங்க அம்மாதான் என் புள்ளைக்கு பிளாட்டு வாங்கணும் பிளாட்டு வாங்கணும் சும்மா அவரை போட்டு நச்சரிச்சாங்க.... சரி மாப்பிளைக்கு வேலைக்கு போக ஈஸியா இருக்கும் என்று இங்கே வாங்கினார் டெவலப்பு  ஆகிற ஏரியா தானேனு இப்படி ஆகும் யாரு கண்டா கவர்மெண்டு எதுவும் செய்யாம இருக்கே

 
இது ஏரியா இல்லடி  ஏரியில வீடு  கஞ்சன் காசுக்கு பார்த்து இங்கே வாங்கி தள்ளிட்டார். இதோட பின்புலம் எதையும் கேட்காம வாங்கினது நம்ம தப்புதானே கவர்மெண்டு என்னாடி செய்யும் எவனோ எதையாவது ஆசை காட்டி வித்தா அதுக்கு  விலை போனது நாம….. மாமாங்கம….. மழை,  தாக்குதல் அளவுக்கு இல்லை இப்பமாதிரி……. என்ன பிரச்சனை வந்திட போகுதுனு நினைச்சிருப்பான்…… இதை இப்ப விக்கணும்னா கூட  ப்ரோகர்க்காரன்தான் சாப்பிடுவான்……..


சரி நான் போய்ட்டு வரேன் கதவை சாத்திக்கோ என்று ரெயின்  கோட்டையை மாட்டிக்கொண்டு வெளியி வருகிறான் கீழே கார் பார்கிங்கில் எதிர் பிளாட் கோபி சிகரெட்டுடன் 


என்னயா எங்க? …


ம் பால் வேணுமாம் ….


சரி  வா நானும் வரேன் கொஞ்சம் இரு போயி ரெயின் கோட்டு எடுத்துட்டு வரேன்.


அவர்கள் பிளாட்டின் உள்ளேயே தண்ணீர்  கணுக்கால் முழுகும் அளவுக்கு  கீழ் பகுதி முழுவதும்
கோபி வந்தவுடன் இருவரும் கவனமாய் தெருவில் நடக்கிறார்கள் டார்ச்  லைட்டை  பிடித்த படி


பச் இந்த ஸ்ட்ரீட் லைட்டை வேற இரண்டுநாளாய் போடல இன்னும் கரண்டை எப்ப ஆப் பண்ண போறாங்கலோ  நாளைக்கு விடாம  பெய்தால் கட் பண்ணிடுவான்


இருக்கட்டும் ப்ரோ ஸ்ட்ரீட் லைட்டால ரிஸ்க்கு வருதாம் நான் தான் தெரியாம இங்க வந்து மாட்டிகிட்டேன்  நீங்க ஏன் ப்ரோ விசாரிகளையா?


என்னமோ கையில காசு அவ்வ்ளவுதான் தேர்ச்சி அப்ப நாமளும் சொந்தமா வீட்டு வெச்சிருக்கோம்னு காண்பிச்சிக்கணும்னு ஒரு ஆசை நான் வந்த அப்ப இப்படி இல்ல கிரி தண்ணி ஓடிடும் கொஞ்சத்துக்கு கொஞ்சம் இப்பதான் ஏன் புரியலை.... இன்னொரு ஏரி இருந்தது  இரண்டு ஸ்டாப்பிங் தள்ளி பார்த்திருப்பியே அங்கே ஓடற மாதிரி இருந்தது இப்ப என்னடானா அதையும் முடி அங்கேயும் பிளாட் போட்டு கட்டிட்டான் எல்லா வழியையும் அடஞ்சிடுச்சி மெயின் ரோடு வழியா தான் போயாகணும் எங்க இங்கே பள்ளமா இருக்கறதால டக்குனு போக வழியில்ல மழை நீர் சேகரிப்பு டிரைனேஜ்ல போயி சேர மாட்டேங்குது லெவல் சரியா வைக்காம விட்டு இருக்காங்க  போல எவ்வளவோ வாட்டி  எழுதி வச்சுட்டு வந்துருக்கேன் எங்க வரானுங்க வந்தாலும் சரியா வாட்டம் கொடுக்க மாட்டேங்கிறானுக……….
விடிவுகாலம் இருக்கா தெரியல இந்த ஏரியாக்கு….. இதேமாதிரினா என்ன பண்ணுவதுன்னு புரியலை…… வீடு வாங்கினா லோனே இன்னுமும் முடியல…… 

  
எப்படியோ ரோடு முனைக்கு வந்துவிடுகிறார்கள் முனையில் இரண்டுமூணு சிறிய கடைகள் வரிசையாய்  ஒரு சின்ன மளிகை கடை அதனுள்ளேயே சின்ன பேக்கரியும் , பக்கத்தில்  பால் கடை ஒரு ஜெராக்ஸ் ஒரு மெக்கானிக் ஷெட்டு கூட இருக்கிறது

 
ஸ்ப்பா நல்ல காலம் கடைய முடாம வைத்திருக்கானே


இன்னும் மணி 11 ஆகலேயே


வாங்க சார் என்ன மழை போதுமா...... படிக்கட்டிலேயே செருப்பை விட்டுட்டு  ஏறுங்க சார்  கசகசன்னு ஆயிடுது இங்கே


கிண்டலயா உங்களுக்கு தண்ணி நிக்கலை இங்கேன்னு

 
என்ன கிண்டலு போனதடவை புயலு வந்து முன்னாடி எல்லாத்தயும் துகிடுச்சு  அதுக்கு முந்திதான் அபாயத்தில மாட்டி தப்பிச்சது வரலாறு இந்த தடவை இப்படி இருக்கு


சரி பிரெட்டு இருக்கா?..... உள்ளே பார்த்து விட்டு சொல்கிறார் இரண்டுதான்  இருக்கு 

சரி கொடுங்க அரை கிலோ ரவை, ஊறுகாய் ருசியா மாங்காய் தானே…. குட்டே பிஸ்கெட் 2 தாங்க ,சக்கரையும் ஒரு கிலோ கொடுங்க.................


கோபி  எனக்கும் ஒரு கிலோ சக்கரை எடு 


முதலில் கிரி 500/- எடுத்து கொடுக்கிறான் மீதி சில்லறை கொடுக்கிறார் 70/- ரூபாய்  கிரி வெய்ட் பண்ணுறான் மேல் கொண்டு தருவார் என்று.....


கடைக்காரர் கோபியிடம் ஒருகிலோ சக்கரையை பேக் பண்ணி கொடுத்துட்டு வேற சார் என்கிறார் நுறு ரூபாய் கொடுத்து விட்டு  கிங் இருக்கா


இருக்கு சார் லூசிலதான் ஒன்னு  25/-

   
யோவ் என்னயா…….


என்ன சார் பண்றது சரக்கு வர வரைக்கும் ஓட்டணுமே 


யோவ் நான் விலையே பத்தி கேக்கறேன்


அதுவும் தான் சார் மழை விட்டவரைக்கும் கொஞ்சம் ஏத்தம் ஏரகமாத்தான் இருக்கும்


கிரி பரிதாபமாய் கோபியை பார்க்கிறான் 

அநியாயம் பண்ணுங்க  இந்த ஜிஎஸ்டி போட்டதெல்லாம் பத்தலயா இப்ப இதுவேறயா

 
சரி 2 கொடு மீதி எவ்வ்ளவு தரணும்


நுறு சார்

 
முதலேயே நுறு கொடுத்துட்டேனே சக்கரை 100 சார் 50 கிங்


என்னது! திகைத்து போகிறான்.


அப்போ எனக்கும் மீதி அவ்வளவுதானா ?


ஆமாம் சார் பிரெட் ஒன்னு 50 , ஊறுகாய் 100 ரவை 5௦, 2-பிஸ்கெட் 80 சக்கரை 100


என்னது இது இவ்வளவு ஏத்திடிங்க


ஆமாம் சார் மழை விடற வரைக்கும் தான் அப்புறம் கொறஞ்சுடும் சார் நானும்  எக்ஸ்ராவா டெம்போ காரனுக்கு மழையில துட்டை கொடுத்துதான் வாங்கிறேன்


யோவ் என்னயா என்ன கதை விடற அப்படியே நீ சூப்பர் மார்கெட் ஆரம்பிக்க நான் முதல் போடணுமா என்று கத்துகிறான் கோபி


சார் பொருள் வேண்டாம் நா கொடுத்துடுங்க சார் சத்தம் போடாதீங்க கடையில 


நீ இந்த ஏரியாக்குத்தான் கடைய வச்சு இருக்க நியாபகம் வச்சுக்கோ


புரியுது சார் நான் என்ன பண்ணட்டும்  .........


ப்ரோ வாங்க போலாம் மழை வேற பெரிசாகுது வாங்க அப்புறம் பார்க்கலாம்


பக்கத்தில் பால் கடையிலும் இதே நிலைமை
பால் கடையில் சில காய்ங்க வெங்காயம் தக்காளி விக்கறாங்க இங்க இருக்கறவங்க வந்து வாங்குவதற்கு எப்போதுமே மார்கெட்டையை விட அதிகமாகத்தான் இருக்கும் இப்போ இன்னும் அதிகமாய் சொல்கிறான் வெங்காயம் எல்லா இடத்திலும் 50 னா இவன்கிட்ட 75 தக்காளியும் அப்படியே பச்சைமிளகாய் கூட காய்விலைக்கு சொல்கிறான். என்ன பண்ணவது இப்ப இருக்கற நிலைமையில் தேவைக்கு கொஞ்சம் வாங்க வேண்டியதாய் இருக்கு 

கிரி  கையில் பணமில்லாமல்  வாங்கினதுக்கு கார்ட் தேய்கிறான்

இனிமே நின்னா  அவ்வளவுதான் வீட்டையே எழுதி கொடுக்க சொல்வானுங்க வா கிரி


என்ன அநியாயம்  பாருங்க ப்ரோ  சம்பாதிப்பத்துக்கு நேரம் பார்த்தாங்க  ஐந்து நாள் மழையில குபேரனாயிடணும்னு பார்கிறாங்க….. என்று புலம்புகிறான்


இதுதான் இன்னைக்கி மனுஷன் புத்தி எதோ பொங்கலுக்கு தீபாவளிக்கி ஜாஸ்தியா வித்தானா நாமும் சந்தோஷத்தில் தானேனு சந்தோஷத்தில் தெரியவும் தெரியாது கொடுக்கலாம் ஆனா இப்படி துக்கத்தில் சம்பாதிக்கணும், வயித்தில் அடிக்கணும்னு நினைக்கிறான் பாரு இவனெல்லாம் உருப்படறான் என்ன கடவுள் போ அடுத்த வருஷம் அவன் சூப்பர் மார்கெட் வச்சிடுவான் நான் சொன்ன மாதிரி …….


இவனுங்களை வாழவைக்கணும்னே கடவுள் மழையை கொடுக்கிறாரோ 

இன்னும் நிவாரணம் கொடுக்கணும் கோடி கோடியா கேட்டு வாங்கி பிரியாணி பொட்டலத்தை கொடுத்து ஒப்பேத்திடுவாங்க அவங்க தேத்திக்குவாங்க……நீயும் நானும் கத்தி கொண்டாவது இதை வாங்க முடியும் நிலையில் அந்த வெல்டிங்கை கம்பெனில வேலை செய்யும் சீனியெல்லாம் எப்படி கஷ்டப்படுவான் இந்த விலைவாசியை தாங்குவானா…….


இதுல இவன் மனுஷன் இல்லை இவனில்லைனு யாரை குறிப்பிட்டு சொல்வது என்ன? அவன் பெரிசா செய்யறான்…. இவன் சிறுசா செய்யறான் சொல்லிக்கலாம்


என்ன ப்ரோ? நானெல்லாம் வேலைகிடைச்சி சம்பளம் வாங்கினத்தில் இருந்து இப்பவரைக்கும் மாசம் பொறந்தா எப்போ சாப்பிட போனாலும் எங்க ஆபிஸ் எதிர்க்க இருக்கிற ஹோட்டலில் டொனேஷன் பாக்சில் நுறு இரநூறுன்னு போட்டுடுவேன். கோவிலுக்கு போகும் போதெல்லாம் கடவுளே நானா செய்யமுடியாடியும் நீ பார்த்து செய்யினு உண்டியலில் போட்டுட்டு  வருவேன் இப்ப கூட ஜல்லிக்கட்டு போராட்டம் நடந்த அப்ப என்னால முடிஞ்சது டிபனுக்கு  எல்லாம் ஷேர் பண்ணிக்கிட்டேன்  உட்கார்ந்தா சம்பளம் எப்படி வரும்  எப்படி ஹெல்ப் பண்ணமுடியும் அதனால டைம் கிடைக்கும் போது போனேன்.


சரிதான் கிரி ஆனா ஆபத்தில் உதவற மனசு இல்லை நமக்கு நேற்றிக்கு ஒரு நாயி நாம பிளாட்டுகுள்ள படிக்கட்ல வந்து படுத்துக்க பார்த்தது மழையினால் நாம விட்டோமா இல்லையே துரத்திவிட்டுட்டோம் இது தொல்லைனு....... நாம தொல்லையில்லன்னு நினைக்கிற விஷயத்திற்கு மட்டும் உதவுவோம். சிலசமயம் கும்பலோடு கோவிந்தா போடும் மிராக்களும் நடக்கும் அதற்கு அப்புறம் எதோ நினைவு தப்பி  நினைவு திரும்பியது போல் பழையநிலைக்கு வந்துவிடுவோம் அப்படியானது தான் 2015 வந்த உதவிகள் . ….. அதை உதவி செய்துவிட்டோம்னு நம் தோளில் நாமே தட்டி கொள்வோம் புண்படுத்தறேன் நினைச்சிக்காத கிரி எனக்கென்னமோ இப்படித்தான் தோன்றுகிறது. நூற்றில் 75% தைரியமா நான் மனிதன் தான் சொல்லிக்க முடியாமத்தான் வாழறோம்.